Kínversk Demókrasía

Jæja.....keypti nýja Guns´n Roses diskinn á dögunum. Miðað við það að gerð hans sé búin að spanna tvær aldir og eitt "milleníum" þá er hann ekkert svakalegur. En hann er samt alls ekki lélegur, hann er skrambi góður, enda ekki við öðru að búast þegar fengið er snillinga eins og Buckethead á gítarinn og Brain á trommur, tveir sérfræðingar sem hafa verið í slagtogi með hinum mikla Les Claypool, það hefði eflaust ýtt plötunni á annað og allsérkennilegt plan ef Axl Rose hefði fengið Les Claypool með sér líka....SÆLL!!!
En þetta er ekki Guns´n Roses nema að nafninu til, þetta er bara sólóplata sérvitrings sem selur eflaust helmingi fleiri eintök bara út á nafnið. Ég hefði allavegana ekkert verið svakalega spenntur fyrir því að kaupa sólóplötu með Axl Rose, ekki frekar en sólóplötu með Slash....minnir að sú fyrsta hafi heitið snakebite....fannst hún ekkert spes. En....svona sálfræði virkar á mig.
En það eru mörg mjög góð lög þarna, hún er meira að segja helvíti grúví á köflum og það er mjög gaman að hlusta á Buckethead glamra á þennan gítar sinn....hann er reyndar alveg að halda þessari plötu uppi. Lag 8 er samt eitt það glataðasta sem ég hef heyrt lengi....byrjar á einhverri bjánalegri fjölröddun eingöngu með Axl gólandi fölsku tennurnar úr sér. Sama hvað Buckethead shreddar gítarinn....það er ekki hægt að minnka aulahrollinn.
Þetta er samt skyldueign....eingöngu út af nafninu og löngum fæðingartíma.

Jon

log: 27. Nóvember 2008, staðartími: 16:39

Það er snjóstormur úti, kolbrjálað veður, sést ekki á milli ljósastauranna, fáir eru á ferli.

Ég er farinn út í skóg.

Jón Hafliði

Afsakið orðbragðið en......

Þvílík djöfulsins andskotans snilld!!!!! Ég hélt að ég ætlaði að skíta á mig úr hlátri þegar ég rifjaði þetta meistarastykki upp. Meistarinn hefur elst vel.




Scatman John

Asnalegar aðstæður.

Lenti í undarlegri stöðu á dögunum. Ég fór ásamt Huldu á vídjóleiguna hérna á Egilsstöðum til þess að leigja vídjó og hugsanlega kaupa eilítið snarl. Nú var það þannig að hún Hulda var svo elskuleg að sjá um það að splæsa í þetta skiptið, en það má gera þegar fólk er orðið gift. Svo fór að við ákváðum að leigja The Incredible Hulk (sem er n.b. helvíti góð).
Þá rann upp stundin, asnalegu aðstæðurnar sem fengu mig til þess að verða hálf kjánalegan, fór að glápa upp í loftið og í kringum mig og þykjast hafa áhuga á einhverjum gömlum veggspjöldum nokkrum metrum frá okkur. Því að þegar kom að því að borga fyrir myndina þá bað Hulda mig vinsamlegast að geyma fyrir sig bragðarefinn meðan hún borgaði myndina.
Svona leit þetta út: -Hulda borgaði myndina
-Myndin er "The Incredible Hulk"
-Ég stóð fyrir aftan Huldu eins og lítill krakki
-Ég var að gúffa í mig bleikum bragðaref eins og lítil stelpa

Það er gott að vera giftur.

Jón Hafliði

Kjöthleifur og mótorhjól sem hverfa.


Hvað er eiginlega málið?





Engu að síður meistaraverk!

Fiskbúðingur

The fantastic sheep

Ég öskraði eins og smástelpa þegar ég var á rúntinum á þjóðvegi 1 um daginn. Ég sá í fjallshlíðinni hóp af hvítum dýrum og var bara alveg handviss um að þarna væri komin ísbjarnahjörð.
Ég var komin með símann í lúkurnar og búin að á sambandi við 112 þegar ég sá þegar betur var að gáð að þetta voru bara nokkrar rollur. Jahh hvað á maður að segja, maður veit aldrei...ha? Gætu þetta ekki verið ísbirnir?

Jón....móðursjúkur

Hvað gerist eiginlega næst???

Það er bara allt að verða vitlaust í þessum vörubílstjóramálum! Það er meira að segja reynt að blanda Palestínu inn í þetta rugl, eða svona þannig.
Ég sé alveg fyrir mér næsta stóratburð í þessu hjá vörubílstjórum. Löggan verður komin þarna, Sturla froðufellandi af einhverjum flóknum taugafræðilegum ástæðum, ungmenni í nasistabúningum, grjótkast, táragas og bara algjör ringulreið. Þá kemur aðvífandi risastór, rauður og blár vörubíll. Þögn slær á hópinn. Vörubíllinn stöðvar á miðjum gatnamótum kringlumýrarbrautar og miklubrautar. Hann er ekki með neitt bílnúmer, einhver ræfillinn bendir á þá ómerkilegu staðreynd. Þvílíkur trukkur hefur aldrei sést á gaufslitnu malbiki Reykjavíkurborgar (sá hann samt oft í Gauksmýrinni heima). Hvaðan kom þessi bíll eiginlega? "Er þetta eitthvað fíflið frá íslenskum aðalverktökum?" Spyr Sturla af sinni alkunnu snilld, en hann kannaðist eitthvað við litina á trukknum. Nei þessi trukkur er sko ekki frá ÍAV.




Þetta er engin annar en Optimus Prime úr hinum margfræga ameríska mótmælendahópi trukkabílstjóra, Transformers. Gífurleg fagnaðaróp bárust frá vörubílstjórum íslands þegar þeir áttuðu sig á því hver var þarna kominn og.............

Get ekki haldið áfram, þetta er komið út í alltof mikla vitleysu.

Jón Hafliði

The Lonius Monk

Ég ældi á einhvern starfsmann Skífunnar á Laugaveginum og labbaði út.

Halaði annars niður disk með prog powermetal bandi sem heitir því stórfenglega nafni Kamelot. Hef nett gaman af þessum power metal, gífurlegt goth og gífurlegur metnaður til þess að gera kröftuga og vel flutta rokkmúsík. Sannkallað nördarokk. Mæli eindregið með því að menn tékki á þessu. Platan sem ég halaði niður heitir því drungalega nafni The Black Halo. En ekki hvað?

Var annars á fyrirlestri hjá lýtalækni. Hann tók karlmann, framkvæmdi á honum eitt stykki kynskiptiaðgerð, sýndi okkur fyrir og eftir myndir og sagði: "hérna er komin stúlka sem fer nú og lifir eðlilegu lífi"

Að sjálfsögðu

kv. Jón Hafliði

P.s. heyrðuð þið fréttina um konuna sem lét breyta sér í karl og varð svo ólétt....ur?

David Caruso er bara meistari!!!

Tímaspursmál hvenær maður lætur verða af því að stofna aðdáendaklúbb!

Bobby Fisher fallinn frá!

æ æ

Grafa hann á Þingvöllum sagði einhver.

æ æ

Heyrði eina góða tillögu: Brenna hann og setja hann í farandbikar Skáksambands Íslands. Íslandsmeistari fengi svo að hafa Bobby Fisher á arinhillunni í eitt ár.

Jón Hafliði

Mál málanna!

Gömlu vesalingshúsin á Laugaveginum. Agalega er þetta bagalegt með þessi fallegu hús, það er bara alvega hræðil........

Afsakið.

Helvítis gömlu hjallarnir á Laugaveginum. Hvað eru menn að meina mað því að færa þessu kofaskrifli til þess að varðveita eitthvað. Það er eitt að varðveita hús sem eiga rétt á því að vera varðveitt og eitthvað er spunnið er í og annað að halda upp á gamla ljóta kofa sem eru orðnir handónýtir. Algjört væl! Ég segi brennum helvítis kofana og byggjum eitthvað nýrra og betra en þó ekki þannig að það skemmi þessa "fallegu" og "heilsteyptu" götumynd.

Já svo brann einhver kirkja í Kenýa. Nóg um það.

Jón.